మధుమేహానికి దాల్చిన చెక్క

మధుమేహాన్ని హరించే దాల్చిన చెక్క

దాల్చిన చెక్క వంటల్లో రుచిని పెంచటానికి మాత్రమే కాక, ఆరోగ్యాన్ని కుదుట పరచటానికి  కూడా దోహదం చేస్తుంది. ఇది రక్తంలో చక్కర స్థాయులను క్రమబద్ధీకరిస్తుంది. కాబట్టి డయాబెటిస్ (టైప్ 2  డయాబెటిస్) వ్యాధిగ్రస్థులు దీనిని వారానికి కనీసం రెండు సార్లైనా తీసుకుంటే మంచిది.

- దాల్చిన చెక్క పొడిని రోజుకు అరా టీ స్పూన్ తీసుకుంటే గుండెకు హాని చేసే (ఎల్ డిఎల్ ) కొలెస్ట్రాల్ స్థాయులను

    తగ్గిస్తుంది.

- ల్యుకేమియా , లింఫోమా (క్యాన్సర్) వంటి క్యాన్సర్ కారక కణాల వృద్ధిని నిరోధించడంలో దాల్చిన చెక్క సమర్థంగా పని చేస్తుందని అమెరికాలోని మేరీల్యాండ్ లోని వ్యవసాయ శాఖ పరిశోధకులు నిర్ధారించారు.

- రోజూ ఉదయం పరగడుపున అర టీ స్పూన్ దాల్చిన చెక్క పొడిని ఒక టేబుల్ స్పూన్ తేనెతో కలిపి వారం పాటు తీసుకుంటే ఆర్థరైటిస్ సమస్య తగ్గుతుంది. ఒక నెల రోజులు క్రమం తప్పకుండా తీసుకుంటే పూర్తిగా నయమవుతుంది.

- ఇది ఆరోగ్యదాయిని మాత్రమే కాదు, ఆహారపదార్థాలను బ్యాక్టీరియా బారిన పడకుండా కాపాడే సహజసిద్ధమైన ప్రిజర్వేటివ్ కూడా.

- ఉషశ్రీ , న్యూట్రీషనిస్ట్,

కేర్ హాస్పిటల్ , హైదరాబాద్ . 

Source: Sakshi newspaper 

Family Edition

Dt: 9-9-2014